പുലിയെത്തേടി…. – സ്റ്റാഫ് കറസ്പോണ്ടന്റ്
ഫെബ്രുവരി 18, 2008
ചിത്രകഥയില് മാത്രമാണ് കുട്ടികള് ഇപ്പോള് നാട്ടില് പുലിയിറങ്ങുന്ന കഥകള് വായിക്കുന്നത് . പഴയ കുട്ടികളുടെ ഓര്മ്മയില് എത്രയോ ശിക്കാരി കഥകള് പൊടി പിടിക്കാതെ കിടക്കുന്നുണ്ടാവും. മഹാ പേടിത്തൊണ്ടന്മാരായ ശിക്കാരികളുടെ ജീവിതത്തിലെ അബദ്ധത്തില് സംഭവിക്കുന്ന വീര സാഹസിക കഥകളാണ് പൊതുവെ ശിക്കാരി കഥകളുടെ ഉള്ളടക്കം. ഒരുതരം വീമ്പ് പറച്ചിലിന്റേയും, വെടി വട്ടത്തിന്റേയും സുഖമാണ് ഇത്തരം വായനകള് മലയാളിക്ക് നല്കിയത് .
ഒരു തുടര്നഗരമായി വികസിച്ചു കൊണ്ടിരിക്കുന്ന കേരളത്തിലേക്ക് കാട്ടില് നിന്ന് വല്ലപ്പോഴും ഇറങ്ങിവരാറുള്ള മൃഗ വീരന്മാരുടെ കഥകള് ഇപ്പോള് പത്രവാര്ത്തകള് മാത്രമാണ്. നാട്ടിലേക്കുള്ള കാട്ടുകാരുടെ സഞ്ചാരം…. അങ്ങനെയൊരു സഞ്ചാരമാണ് പുലി ഇപ്പോള് കണ്ണൂര് ജില്ലയിലെ മാതമംഗലത്തും പരിസരത്തും നടത്തിക്കൊണ്ടിരിക്കുന്നത്. ഒരു പുലിയുടെ സഞ്ചാരപഥം തേടുകയാണ് സമയം ഓണ്ലൈന്. ഇത് വായനയുടെ അപൂര്വതയാണ് എന്ന് ഞങ്ങള് തിരിച്ചറിയുന്നു.
ഒരു പ്രദേശത്തിന്റെ സ്വാസ്ഥ്യത്തിന്റെ മേല് കരിനിഴല് വീഴ്ത്തിയത് പുലികളാണ്. നാട്ടില് പുലിയിറങ്ങിയിട്ടുണ്ട് എന്ന വാര്ത്ത കണ്ണൂര് ജില്ലയിലെ എരമം കുറ്റൂര് പഞ്ചായത്തില് പെട്ട മാതമംഗലത്തെയും പരിസര പ്രദേശങ്ങളിലേയും ജനങ്ങള് അവിശ്വാസത്തോട് കൂടിയാണ് ശ്രവിച്ചത്. ഏതാനും മാസങ്ങള്ക്കു മുമ്പ് കടന്നപ്പള്ളിയിലും പരിസര പ്രദേശങ്ങളിലും പുലി പ്രത്യക്ഷപെട്ടതായി വാര്ത്തയുണ്ടായിരുന്നു. ധാരാളം പേര് പുലിയെ നേരിട്ടു കാണുകയും ചെയ്തു. കടന്നപ്പള്ളിയിലെ ടി.വി. കുഞ്ഞികൃഷ്ണന് എന്നയാളുടെ പശുക്കുട്ടി പുലിയുടെ ആക്രമണത്തില് നിന്ന് കഷ്ടിച്ചാണ് രക്ഷപെട്ടത്. ശബ്ദം കേട്ടുണര്ന്ന കൃഷ്ണനും ഭാര്യയും ഒച്ച വെക്കുകയും ലൈറ്റിടുകയും ചെയ്തപ്പോള് പുലി പിന്വാങ്ങുകയായിരുന്നു. വനം വകുപ്പ് അധികൃതര് കടന്നപ്പള്ളിയില് കെണിയൊരുക്കിയെങ്കിലും പുലി അതിലൊന്നും വീണില്ല. കൂടുതല് വായിക്കുക…
Entry Filed under: സമയം ഓണ്ലൈന്. .
Trackback this post | Subscribe to the comments via RSS Feed